ගිරා සන්දේශය gira sandeshaya

මෙතැන් සිට අපි අලුත් පිටුවක් ආරම්භ කරනුයේ ගිරා සන්දේශය ඔබ වෙතට ගෙන එ්මටයි.මීට අමතරව අනෙකුත් සන්දේශයන්ද මේ ආකරයෙන් ඔබ වෙතට ගෙන එ්මට බලා පොරොත්තු වෙමු.නමුත් මෙය ඉතා වෙහෙසකර කටයුත්තක් වනුයේ මෙම සන්දේශයන් ඉතා දීර්ඝ වනවා මෙන්ම ගැටපද නිරාකරනය ඉතා සංකීර්න කටයුත්තක් වන බැවිනි. හරි ප්‍රථමයෙන්ම අපි ගිරා සංදේශය යනු කුමක්දැයි විමසා බලමු.

ලියවුනු යුගය-15 වන සියවසේ කෝට්ටෙ යුගයේ හය වැනි පැරකුම් රජුගේ සමයට අයත් යයි සැලකේ. කතෘ-මෙහි කතෘ අවිනිශ්චිතය
ගමන් මර්ගය-කෝට්ටේ ජයවර්ධනපුර පිහිටි පිරිවෙනක සිට තොටගමුවේ විජයබා පිරිවෙන වෙත.
දූතයා- ගිරවෙකි.
කවි ප්‍රමානය- මුළු කවි ප්‍රමානය කවි 254කි.
සන්දේශයේ අන්තර්ගතය-හය වන පැරකුම් රජතුමා හා ලංකා ද්වීපය සතුරු රෝග බියෙන් ආරක්‍ෂා කර දෙන මෙන් නාථ දෙවියන්ගෙන් ඉල්ලා සිටින ලෙස රහල් හිමියන්ගෙන් අයැද සිටීම.
භාවිතා කර ඇති විරිත- වැඩි කවි ප්‍රමානයකම දක්නට ඇත්තේ සමුද්‍රඝෝෂ විරිතයි.මීට අමතරව පදක විරිත,චක්‍රවාක විරිත ආදි විරිත් උපයෝගි කරගෙන ඇත.

                                               

                               ගිරා සන්දේශය 

                                        01. දූත ආසිරි

             සැරදෙ කිර රඳ සඳ                 -               නන් වන් රුවන් රූ වන් 
             සහ'කුරු මියුරු තෙපුලෙන්      -               සව් ලෙව් සතන් හදනා 

අර්ථය-
   නොයෙක් වර්ණයෙන් යුතු මණික්‍ය ස්වරූපයක් බඳු වූ ද අකුරු සහිත මධුර වචනයෙන් සියලු ලෝකයගේ සිත් ඇදගන්නා ගිරා රජොත්තමය දිගු කල් ජීවත් වේවා!.

                                                        

                                       02.දූත වර්ණනය

                                   ඉදුදුනු පැහැදිනු - තුනු සිරිනු'දුල මමිතුර
                                   ළඳ සොඳ අදර වැනි තගෙ ගෙල තුඩ දුටුව
                                   ලොබ බැද අදර නො කෙරෙති කනුරු සතුටුව
                                 
                                   වන වනපති තුරෙහි-පුර පුරපතීන් මැදුරෙහි
                                   නඳ ව නිතොරව ලැබ පිය පියකර පහස
                                   රඳ ව කවර කෙළි කෙළ කෙළ හැම දවස
                                 
                                   දිසි දිය කුස හැම සියොතුන්ගෙන් ගුරුව
                                   නිසි යස රැස කියවන නුවණින් ගරුව
                                   ඉසි වර ලෙස නිති පණිවයෙන් දුරුව
                                   රිසි පල රස විඳ සතොසින් දව සරුව

අර්ථය-
දේදුනු පැහැයෙන් සියලු ශරීරය බබළන මාගේ මිතුර, කාන්තවන්ගේ යහපත් වූ යටි තොලවන් වූ ඔබේ තුඩ දර්ශනය කල කල්හි කවරෙක් නම් ඊට සතුටු වී ආදරය නොකරයිද?

වනයෙහි මහ වෘක්‍ෂවලත් නගර ප්‍රධානින්ගේ මැඳුරු වලත් ප්‍රියාවන්ගේ අත් පහස නිරන්තරයෙන් ලබා සතුටුව සෑම දිනකම උසස් ක්‍රීඩාවන්හි නියැළෙමින් කාලය ගත කරන්න.

ලෝකයේ දක්නට ලැබෙන සෑම පක්‍ෂියකු ම අතරින් දක්‍ෂ යහපත් කීර්ති කදම්බයක් කියවන නුවණින් යුක්තව,සෘෂිවරයෙකු මෙන් නිරන්තරයෙන් ප්‍රාණ ඝාතයෙන් වැලකී,අභිමත පළතුරු කමින් සන්තෝෂයෙන් කල් ගත කරන්න. 


                                                            03.
                          ලද යම් කෙනැක් සරසවි බැලුම'සක්                       නිසී 
                         කොතරම් උවත් මුළු ලොව කෙරෙති                  අතවැසි 
                         එතරම් පසිඳු සරසවි දේවිය                               අතවැසි 
                         මනරම් කෙනෙක් තෙපිමය පරසිඳු                      සුබැසි 

අර්ථය-
     සරස්වතී දේවිය ගේ නෙතග බැල්මක් ලඳ යමෙක් කවර තරාතිරමේ අයකු උවද ඔහු මුළු ලෝකයේම අතවැසි බවට පත් කෙරෙයි.එපමනට ප්‍රසිද්ධ වූ සරස්වතී දේවියගේ අතෙහි වසන්න වූ සිත් වසඟ කරන්නාවූ යහපත් වචන ඇත්තා වූ කෙනෙක් නම් එ් ඔබමය.

                                                         


                                                            04.
                            මෙවන් ගුණෙන් යුතු තොපගේ පිය                 තෙපුල 
                            සවන් පුරා පැමිණෙන මිතුර                           මනකල 
                            ලෙවන් නොයෙක් ලෙස කීවත් සැප                  විපුල 
                            නිවන් දකින තෙක් සැප නම් එමැයි                      බල 

අර්ථය-
   සිත් ගන්නා සළු මිතුර,ලෝකයා විසින් මහත් වූ සම්පත්තීන් පිළිබඳව විවිධ ලෙස පැවසුවත් ,මේ ආකාරයට තොපගේ මිහිරි වූ වචන සවන වෙත පැමිනෙන විට,නිවන් දකින තුරුම බලවත් සැපත නම් එයම වෙයි.