Wednesday, August 23, 2017

සිංහල රාජාවලිය

01. ක්‍රි.පු.543-505           විජය රජු                තම්මැන්නාව              වසර 38

උපතිස්ස නුවර රාජධානිය

02.ක්‍රි.පූ.505                   උපතිස්ස ඇමති      උපතිස්ස නුවර           වසර 1
03.ක්‍රි.පූ.504                   පඬුවස්දෙව්                    "                        වසර 30
04.ක්‍රි.පූ.474                   අභය                             "                        වසර 20
05.ක්‍රි.පූ 454                   ගණතිස්ස කුමරු            "                        වසර 17
06.ක්‍රි.පූ 437-377            පණ්ඩුකාභය                  "                        වසර 60

අනුරාධපුර රාජධානිය

07.ක්‍රි.පූ 377                   පණ්ඩුකාභය           අනුරාධපුර                 වසර 10
(මෙම වසර 10 උපතිස්ස නුවර සමග බැඳේ.එනම් පණ්ඩුකාභය රජුගේ මුළු රාජ්‍ය කාලය වසර 60 කි.)

 

Wednesday, November 19, 2014

2014 සා.පෙළ කාල සටහන 2014 o/l time table

ශ්‍රී ලංකා විභාග දෙපාර්තමේන්තුව මගින් නිකුත් කළ 2014 දෙසැම්බර් මස පැවැත්වෙන සා.පෙළ විභාග කාල සටහන time-table-ol-2014

Saturday, November 15, 2014

ක්‍රියා පද වර්ගීකරණය kriya padha

සිංහල භාෂාව තුල ක්‍රියා පද රාශියක් දැක ගත හැකිය.අපි දැන් වෙන වෙනම ඒ ගැන විමසා බලමු.
 

01.පුර්ව ක්‍රියා -
 පුර්ව ක්‍රියා යනු යම් වාක්‍යක කතෘ අවසාන ක්‍රියාවට පෙර සිදුකරනු ලබන සෙසු සියලුම ක්‍රියා පදයි.
           
නිද; ළමයා කා,බී,ඇඳ,පැළඳ පාසල් ගියේය.
                  අයියා හොඳින් පාඩම් කර විභාගයට මුහුණ දී විශ්ව විද්‍යාල වරම් ලැබුවේය. 
 

02.මිශ්‍ර ක්‍රියා - යම් වාක්‍යක කතෘ අවසාන ක්‍රියාවත් සමග ම සිදු කරනු ලබන සෙසු සියලුම ක්‍රියා මිශ්‍ර ක්‍රියා වේ.
                     
     නිද; ළමයා සිනා සෙමින් අඬයි.
                                  අම්මා මට බැන බැන කෑම උයයි.
 

03.විධි ක්‍රියා - විධානයක්,අණ කිරීමක් හැඟවෙන ක්‍රියා පද විධි ක්‍රියා ලෙස හඳුන්වනු ලැබේ.

   
නිද; දරුවා,මෙහාට එන්න.
          ස්වාමින් වහන්ස හෙට දානයට වඩිනු මැනවි.
          මගේ ලඟින් එහාට පල.
          රුපියල් දහ දහසකින් පඩි වැඩි කරවූ.
 

04.ආශිර්වාද ක්‍රියා - යහපත් හෝ අයහපත් ප්‍රාර්ථනයක්,ආශින්සනයක් පල කරනු ලබන ක්‍රියා පද ආශිර්වාද ක්‍රියා ලෙස හදුන්වනු ලැබේ.
                   
නිද; සියලු සත්වයෝ නිවන් දකිත්වා!
                           තොප භංග වේවා!
 

05.ප්‍රයෝජ්‍යක් ක්‍රියා - තවත් අයෙකුගේ මෙහෙයවීමක්,බලපෑමක් ලබා සිදු කරනු ලබන ක්‍රියා පද ප්‍රයෝජ්‍යක් ක්‍රියා ලෙස හඳුන්වනු ලැබේ.
                       
නිද; තාත්තා අයියා ලවා මිදුල සුද්ද කරවයි.
                               අම්මා නංගි ලවා රෙදි සෝදවයි.
 

(ප්‍රයෝජ්‍යක් ක්‍රියාව නිර්මාණයේ දී ධාතුවට පසුව "ව" ප්‍රත්‍ය යෙදීමෙන් නිර්මාණය කර ගනී.
    කර+ව+යි=කරවයි)

06.අසම්භාව්‍යක් ක්‍රියා - අවි අවිනිශ්චිත ක්‍රියා අසම්භාව්‍යක් ක්‍රියා ලෙස හදුන්වනු ලබයි.මෙය අනු කොටස් දෙකකට බෙදේ.
             
 *අනියමාර්ථයේ අසම්භාව්‍යක් ක්‍රියා
               *කාලාර්ථයේ අස්ම්භාව්‍යක් ක්‍රියා 
 

*අනියමාර්ථයේ අස්ම්භාව්‍යක් ක්‍රියා - යම් ක්‍රියාවක් සිදු නොවීමේ හෙවත් අසම්භාවී බවක්,අවිනිශ්චිත බවක් හැඟවෙන ක්‍රියා අනියමාර්ථයේ අසම්භාව්‍යක් ක්‍රියා ලෙස හඳුන්වනු ලැබේ.
                   
නිද; වැසි වැස්සොත් විදුලිය ලැබේවි.
                           තාත්තා ආවොත් පාට පෙට්ටියක් ගන්න පුළුවන් වේවි. 

 *කාලාර්ථයේ අස්ම්භාව්‍යක් ක්‍රියා - යමි ක්‍රියා පදයකින් කාලය පිළිබඳව හැගවේනම් එවැනි ක්‍රියා කාලාර්ථයේ අස්ම්භාව්‍යක් ක්‍රියා ලෙස හඳුන්වනු ලැබේ.
                         
නිද; බල්ලන් බුරද්දී සොරු පැන යති.
                                 ගඟ ගලද්දී කොල්ලෝ ඉවුරට වි බලා සිටියහ.

 එහෙනම් ඔන්න අද පාඩම අවසන් තවත් අලුත් පාඩමකින් නැවත මුනගසෙමු.ජය වේවා!

 බද්‍ර කල්පයට ජීවිතය සොයා යන්නවුන්ගේ අසිරිමත් සිංහල වැඩබිම-Thakshilavaතක්‍ෂිලාව

Monday, August 18, 2014

අර්ධ ස්වර Arda swara(semi vowels)

ටික දවසකට පස්සෙ ඔන්න අපි අද ආවෙ අලුත් පාඩමකුත් අරගෙනමයි.අද අපේ පාඩම "අර්ධ ස්වර".හරි මොනවද මේ "අර්ධ ස්වර" කියල මුලින්ම අපි බලමු.
අර්ධ=භාගය
ස්වර=තනිව උච්චාරනය කල හැකි අක්‍ෂර.(ස්වර අක්‍ෂර වලට ප්‍රාණාක්‍ෂර,පණකුරු ලෙසද හඳුන්වයි)

මේ අනුව අර්ධ ස්වර යනු සරලව දැක්වුවහොත් අර්ධ ලෙස ස්වර ලක්‍ෂණ පිහිටි ව්‍යංජන අක්‍ෂර ලෙස දැක්විය හැකිය.

සිංහල භාෂාවෙහි අපට දැකගත හැකි අර්ධ ස්වර ප්‍රමානය 2කි.එනම්
                                 ස්වර                            අර්ධ ස්වර                                    

                                  ඉ                                      ය්(ය)                                    

                                  උ                                      ව්(ව) 
         

හරි දැන් අපි දන්නව අර්ධ ස්වර කියන්නෙ මොනවද කියල.දැන් අපි මෙම අර්ධ ස්වර වල කාර්යය මොනවද කියා සොයාබලමු. නාම පදයක් තනා ගන්නා විට නාම ප්‍රකෘතියකට පසුව නාම ප්‍රත්‍යක් එක් කර ගැනීමේදී ප්‍රකෘතියත් ප්‍රත්‍යත් අතරට ආගම විය හැක්කේ අර්ධ ස්වරයකට පමනි.දැන් ප්‍රශ්න ගොඩක් කියල මම දන්නව

නාම ප්‍රකෘතිය????????????
නාම ප්‍රත්‍ය?????????
ආගම වීම???????????? මේ ටික නිස මෙතෙක් වෙල කියල දීපු ටිකත් අවුල් වෙලාම ගියා නේද? හරි අපි ඉදිරි පාඩම් වලදි විස්තරාත්මකව මෙම මාතෘකා ගැන ඉගනගන්නවා.එත් දැනට සරලව මේ ගැන කියල දෙන්නම්.මොකක්ද මේ නාම ප්‍රකෘතිය හා නාම ප්‍රත්‍ය-නාම පදයක් හැදෙන්නේ නාම ප්‍රකෘතියට නාම ප්‍රත්‍යක් එකතු වීමෙන්.

නිද‍:
    මිනිස්+ආ=මිනිසා
    මෙහි මිනිස් යනු නාම පදය නිර්මානය වන මූලයයි.එනම් නාම ප්‍රකෘතියයි(නාම මූලය).නාම පදයක් නිර්මාණය වන්නේ ප්‍රකෘතිය+නාම ප්‍රත්‍ය එකතු වීමෙනි.මෙහි "මිනිස්" යන්න නාම ප්‍රකෘතිය වන අතර "ආ" යන්න නාම ප්‍රත්‍ය ලෙස හදුන්වනු ලබයි.
මොකක්ද ආගමය?????????? සන්ධි පාඩම තුලදී අපට මෙම ආගම යන වචනය ගඳුනගන්න ලැබෙනව.ආගම යනු යම් පදයක් නිර්මානය වීමේදී එ් පද අතරට අමුතුවෙන්ම අකුරක් පැමිනීමයි. පහත අර්ධ ස්වර කර්යයන් තුලින් ඔබට එ් බව තවත් අවබෝධකරගන්න පුළුවන්. දැන් අපි නැවතත් පාඩමට එමු.
අර්ධ ස්වර වල කර්යයක් තමයි නාම පද නිර්මානය කිරීමේ දී එම නාම ප්‍රකෘතිය හා ප්‍රත්‍ය අතරට ආගම වී(පැමින) නාම පද නිර්මානය විම.

නිද:කඩදාසි+අක්=      කඩදාසි+"ය්"+අක්=කඩදාසියක් රේඩියෝ+අක්=    රේඩියෝ+"ව්"+අක්=රේඩියෝවක් 

මේ අනුව ඉහත පද නිර්මානයට "ය්" හා "ව්" අර්ධ ස්වර උපයෝගී වී ඇති බව දැකගත හැකිය.හරි නාම පදයක් නිර්මානය වීමට අර්ධ ස්වර ආගම වුවත් මෙම ස්වර දෙකෙන් මොන ස්වරය එ් සදහා අපි යොද ගන්නේ ද යන ගැටළුව පැන නගීනව.ඊට විසඳුමක් ලෙස අප භාවිත කරන්නේ ප්‍රකෘතියේ අග ඇති ස්වරයයි.

01.ප්‍රකෘතිය අවසන් වන්නේ පූර්ව ස්වරයකින් නම්(අනම්‍ය ස්වර) ආගම වනුයේ "ය්" යන අර්ධ ස්වරයයි. 
එ-මෙහෙ(මෙහ්+එ)+අක්-මෙහෙ+ය්+අක්=මෙහෙයක් ඉ-නීති+අක්-නීති+ය්+අක්=නීතියක් ඇ-පැහැ+අක්- පැහැ+ය්+අක්=පැහැයක් 

02.ප්‍රකෘතිය අවසන් වන්නේ අපර ස්වරයකින් නම්(නම්‍ය ස්වර) ආගම වනුයේ "ව්" යන අර්ධ ස්වරයයි.
උ-ඔරු+අක්- ඔරු+ව්+අක්=ඔරුවක් ආ-කලා+අක්- කලා+ව්+අක්=කලාවක් උ-නඩු+එන්-නඩු+ව්+එන්=නඩුවෙන්

      ඔන්න අද අපි කතා කරපු අර්ධ ස්වර පාඩම අවසන්.තවත් පාඩමකින් අපි නැවත මුනගැසෙමු. ඔබට ජය                                                                                                                        තක්‍ෂිලාවTHAKSHILAVA

Thursday, August 7, 2014

සරල ස්වර හා සංයුක්ත ස්වර Sarala awara, Sanyuktha swara

හරි ඔන්න අදත් තව අලුත් පාඩමකින් ඔයාලව හම්බ වෙන්න ආව.මේ සිංහල පාඩම් පෙළගැසෙන්නෙ ගොඩක් දුරට උසස් පෙළ අරමුනු කරගෙන.නමුත් මෙම පාඩම් අනෙකුත් වසර වල ඉගන ගන්නා දරුවන්ට ද ප්‍රයෝජනවත් වන බවයි මගේ විශ්වාසය.හරි අපි පාඩමට එමු.අද අපි කතා කරන්නේ සරල ස්වර හා සංයුක්ත ස්වර පිලිබඳවයි.
සරල ස්වර,
       සරල ස්වර යනු තනි ස්වරයකින් සැදුම් ලත් ස්වරයි.සිංහල භාෂව තුල සරල ස්වර 03ක් දැක ගත හැකිය.                                                                      අ      ඉ       උ 
සංයුක්ත ස්වර,

සිංහලයේ සංයුක්ත ස්වර යනු තනි ස්වරයකින් සැදුම් නොලත් ස්වරයි.සිංහල භාෂව තුල සංයුක්ත ස්වර ද 03ක් දැකගත හැක.මෙම සංයුක්ත ස්වර නිර්මානය වන්නේ සරල ස්වර වලට පූර්වයෙන් "අ" ස්වරය එකතු වීමෙනි.
                                     ස්වර එකතු වීම            සංයුක්ත ස්වර                                         අ+අ                               ආ                                          අ+ඉ                              එෙ                                          අ+උ                              ඔෳ 
                            මෙම සරල හා සංයුක්ත ස්වර පද සාධනයෙහි ලා විශේෂ කර්යයක් ඉටු කරනු ලබයි. අපි එ්වා වෙන වෙනම සකච්ජා කරමු.

01.නාම ප්‍රකෘතියකට පසුව "ය" තද්ධිත ප්‍රත්‍ය යොද විශේෂණ පද තනා ගන්නා විට ප්‍රකෘතියේ මුල සරල ස්වරයක් පවතින්නේ නම් එම සරල ස්වරය වෙනුවට සංයුක්ත ස්වරයක් ආදේශ වෙයි.
*"අ" ස්වරය වෙනුවට"ආ" යන සංයුක්ත ස්වරය ආදේශ වීම.
සමර්ථ+ය(ස්++මර්ථය)=සාමර්ථ්‍යය
මධුර+ය=මාධූර්යය
තරුණ+ය=තාරුණ්‍යය
*"ඉ" ස්වරය වෙනුවට "එෙ" යන සංයුක්ත ස්වරය ආදේශ වීම.
විශාරද+ය(ව්++ශරදය)=වෛශාරද්‍යය
විචිත්‍ර+ය=වෛචිත්‍යය
*"උ" යන ස්වරය වෙනුවට "ඔෳ" යන සංයුක්ත ස්වරය ආදේශ වීම.
සුන්දර+ය(ස්++න්දර)=සෞන්දර්යය
කුශල+ය=කෞශල්‍යය
උදාර+ය=ඔෳදර්ය

02.නාම ප්‍රකෘතියකට පසුව "ඉක" ප්‍රත්‍ය එකතු කොට විශේෂණ පද තනා ගන්නා විට නාම ප්‍රකෘතිය සරල ස්වරයකින් ආරම්භ වන්නේ නම් එම සරල ස්වරය වෙනුවට සංයුක්ත ස්වරයක් ආදේශ වේ. 
*"අ" වෙනුවට "ආ" යන සංයුක්ත ස්වරය ආදේශ වීම.
නගර+ඉක(න්++ගර)=නාගරික
තර්ක+ඉක=තාර්කික
දර්ශන+ඉක=දාර්ශනික
*"ඉ" ස්වරය වෙනුවට "එෙ" යන සංයුක්ත ස්වරය ආදේශ වීම.
විකල්ප+ඉක(ව්++කල්ප)=වෛකල්පික
නිති+ඉක=නෛතික
නිසර්ග+ඉක=නෛසර්ගික
*"උ" ස්වරය වෙනුවට "ඔෳ" යන සංයුක්ත ස්වරය ආදේශ වීම.
පුරණ+ඉක(ප්++රණ)=පෞරාණික
මූල+ඉක=මෞලික
පුද්ගල+ඉක=පෞද්ගලික

ඔන්න එහෙනම් සරල හ සංයුක්ත ස්වර පාඩම අවසන්. එහෙනම් තවත් දවසක අලුත් පාඩමකින් හමුවෙමු.

                                                          THAKSHILAVAතක්‍ෂිලාව

Tuesday, August 5, 2014

අව්‍ය පද awya padha

මීට පළමුවෙන් මම සිංහල හෝඩිය හා අනම්‍යකරණය යන පාඩම් ගැන අවබෝධයක් ඔබට ලබා දුන්න.දැන් එ් ගැන හොද අවබෝධයක් මෙන්ම දැනුමක් ලැබෙන්නට ඇතැයි සිතමි. අද අප අධ්‍යනය කරනු ලබන්නේ අව්‍ය පද පිළිබඳවය.අව්‍ය පද

මොනවද මේ අව්‍ය පද?????????????
 අව්‍ය පද යනු, 

         භාෂාවේ පවතින ඇතැම් පද ලිංග,විභක්ති,වචන,කල,පුරුෂ යන බෙදීම් හේතුවෙන් වෙනස් වීමකට ලක් නොවේ.එවැනි පද අව්‍ය පද ලෙස හදුන්වනු ලැබේ.
 

සිංහල භෂාව තුළ අව්‍ය පද විශේෂ 02ක් දැකගත හැකිය.
                                              01.නිපාත
                                              02.උපසර්ග


 01.නිපාත,
        සිංහල භාෂාව තුළ නිපාත පද රාශියක් දැකගත හැකි නමුත් එ්වායේ අර්ථ වෙන වෙනම ඳැක්විය නොහැක.මන්ද නිපාත මඟින් පැහැදිලි අර්ථයක් ප්‍රකාශ නොකරන බැවිනි.නමුත් අධ්‍යනය කිරීමේ පහසුව තකා පහත ආකාරයට වර්ග කළ හැකිය.
 *කාළය අඟවන නිපාත, අද,හෙට,ඊයේ,යළි,නැවත,පැසුලු(පසුව),ඉක්බිති,ඉනික්බිති,අනතුරු,නිති,තව,නිරන්තර
 *පිණිස යන අර්ථය ඇති නිපාත,
     පිණිස-රජ්‍ය සේවය පිණිසයි.
     සඳහා-ඉගනගැනීම සඳහා එන්න.
     වස්-නුඹ දකිනු වස් මම පැමිනෙමි.
     තකා-දියුනුව තකා වැඩ කරන්න.
*ආමන්ත්‍රණාර්ථ නිපාත,
       එ්යි,එම්බා,බොලේ
*ප්‍රශ්නාර්ථ නිපාත,
       ඇයි,මන්ද,ද,මොකෝ,මොකද,කිම්ද
*සමනාර්ථ නිපාත,
      මෙන්,සේ,වගේ,ලෙස,බදු,අයුරු,වැනි,අයුරින්,
*ප්‍රමානාර්ථය අඟවන නිපාත,
      තරම්,විතර,මෙන්,වගේ,පමණ
*නිශ්චයාර්ථ නිපාත,
      මුත්,මිස,හැර,වින,
*සම්බන්ධාර්ථ නිපාත,
     ද-අම්ම ද මම ද ......
     ත්-අයියත් මම ත්.........
     හා-ඔහු හා ඇය............
     සමඟ-ඇය සමඟ අප.............
     කැටුව-අම්ම කැටුව මම.....
     එක්ක
*සීමාව අඟවන නිපාත,
    තෙක්,දක්ව,තුරු,පටන්,තක්,කර

                          මීට අමතරව තවත් ඉතා වශාල ප්‍රමානයක් නිපාත පද සිංහල භාෂාව තුළ වෙයි.යම් අපහැදිලි කමක් වේනම් අපට දන්වන්න. ස්තූතියි!


බද්‍ර කල්පයට ජීවිතය සොයා යන්නවුන්ගේ අසිරිමත් සිංහල වැඩබිම- තක්‍ෂිලාව 

Sunday, August 3, 2014

අනම්‍යකරණය anmyakaranaya

පහත දක්වන්නට යෙදුනු නම්‍ය සහ අනම්‍ය ස්වර පද නිර්මානය කිරීමෙහි ලා සුවිශේෂී කාර්යයක් ඉටු කරනු ලබයි.එනම් නම්‍ය ස්වරයකින් ආරම්ඟ වන පදයක් ඇසුරු කරගෙන ප්‍රත්‍ය ගැන්වීමක් සිදු කරන විට එම නම්‍ය ස්වරය අනම්‍ය ස්වරයක් බවට පත්වේ.සිංහල ඟාෂාව තුළ අනම්‍යකරණය සිදුවන අවස්ථා කිපයක් හදුනාගත හැකිය.
 

*නාම පද විඟක්ති ගැන්වීමේදී අනම්‍යකරණය සිදුවේ.                                                                                 අ-ඇ = දහම්+එන් =දැහැමෙන්
                                  බව්+හි     =බැව්හි
                     උ-ඉ = මුව+එන් =මියෙන්
                                මුව+එහි =මුවෙහි
                     ඔ-එ = ලොව+හි =ලෙව්හි
                                ලොව+ඉන් =ලෙවින්
 

*කෘදන්ත පද සදනයේදී අනම්‍යකරණය සිදුවේ.
                    අ-ඇ =නට+උම් =නැටුම්
                    උ-ඉ =පුද+ඉලි =පිදිලි
                    ඔ-එ =ගොරව+ඉලි =ගෙරවිලි
 

*නිරුත්සාහක ක්‍රිය පද තන ගැනීමේදී අනම්‍යකරණය සිදුවේ.                                                                      අ-ඇ =අඬයි =ඇඬෙයි
                    උ-ඉ =උස්සයි =ඉස්සෙයි
                    ඔ-එ =ඔබයි =එබෙයි
 

*ස්ත්‍රී ලිංඟ පද තනා ගැනීමේදී අනම්‍යකරණය සිදුවේ.                                                                                අ-ඇ =සප්+ඉනි =සැපිනි
                    උ-ඉ =කුකුලු+ඉ =කිකිළි
                    ඔ-එ =කොලු+ඉ =කෙලි
                                      මේ තුළින් දැන් ඔබට නම්‍ය ස්වර හ අනම්‍ය ස්වර පිළිබඳ දැනුමක් මෙන්ම අනම්‍යකරණය පිළිබඳ දැනුමක් ඔබට ලැබෙනු ඇත.

                                                           බද්‍ර කල්පයට ජීවිතය සොයා යන්නවුන්ගේ අසිරිමත් සිංහල වැඩබිම-;lazIs,dj